率名模行騷心情靚
方力申懶理阿嬌初戀男友

方力申昨日率領一眾名模周汶錡、樂基兒及AmandaStrang等在銅鑼灣行時裝騷。對於緋聞女友鍾欣桐（阿嬌）近日被自稱是她初戀男友的陳冠良踢爆一腳踏兩船，方力申只說別人的事不會多問。

名模周汶錡、樂基兒及AmandaStrang昨日聯同CottonUSA代言人方力申往銅鑼灣行騷，示範TommyHilfiger、Naautica、UnitedBenetton及FCUK的新裝。

怕窺後台春光
方力申表示為CottonUSA任代言人兼行騷酬勞豐厚，他說：「可以一次過同咁多名模一齊行騷，我已經好開心。」昨日名模如雲，問方力申有沒有窺見後台春光？他說：「我有自己一間更衣室嘅，不過換完衫後都喺後台等好耐，你知咁多女仔，驚一行出去睇到啲唔應該睇嘅嘢。」
方力申早前與鍾欣桐（阿嬌）同遊瑞士令戀情曝光，對於近日有位自稱是阿嬌初戀男友的台灣男子陳冠良（Allen）提供與阿嬌的合照給傳媒，方力申說：「人哋嘅嘢我唔會多問。」再問他會否覺得阿嬌被利用？他則說：「人哋嘅嘢我唔會答。」
另外，周汶錡昨日完騷離開後，揹着一個市場上罕有的HermesBirkin手袋，對此她避忌地說：「呢個袋係米蘭站用友情價賣畀我嘅，用厭咗又可以拎番去換款。」

周汶錡笑看是非
周汶錡透露有意向珠寶設計方面發展，現正跟珠寶設計師陳瑞麟學習，稍後可能會往紐約或倫敦進修有關課程，她說：「如果有一日可以有自己嘅珠寶品牌就好啦。」周汶錡即將離開香港一段日子，問她可怕被傳遭富豪『照顧』？她說：「我已經百毒不侵，總之我得番嚟嘅嘢都係靠自己㗎啦。」
採訪：RitaLeung　攝影：ChenWaiOn