八十一歲的劉伯，體弱行動不便，由於乏人照顧，職業治療師建議他購買一部電動輪椅，方便其自行出入，但劉伯無力負擔有關費用。「我靠綜援金生活，唔食唔用都唔夠錢買啦！」
獨身的劉伯，早年曾動過尾龍骨手術，本身亦有心臟病、高血壓和高膽固醇等問題，須長期服藥。
「早十幾年前試過腳痹、冇力，完全行唔到路，醫生話我因為尾龍骨移位壓住啲神經線，影響到雙腳；做咗手術之後曾經有段日子好番啲，拎住柺杖可以慢慢行，不過𠵱家又差咗。」
隨着年紀愈來愈大，加上雙腳骨骼退化，劉伯近年出入感到十分吃力，要靠輪椅代步。
然而，劉伯家中只有一部由社會福利署轉贈的手動輪椅，出入不便。「我自己冇人冇物，冇人幫我推輪椅，我根本就出唔到街，好多時都要麻煩街坊幫手，所以我好想有部電動輪椅，可以落街買餸、睇醫生。」劉伯說。
劉伯退休前為辦公室助理，現靠領綜援金生活。由於社署沒有額外津助給他購買電動輪椅，劉伯期盼善長施予援手，助他達成心願。
「職業治療師幫我揀嗰部電動輪椅，要成二萬二千蚊，我無能力買，惟有希望善長仁翁幫忙！」
捐款編號︰C1668
暖流熱線
電話：29908688
傳真：23702192
電郵：[email protected]
網址： http://www.charity.atnext.com