日本女星飯島直子近來忙緊拍全新日劇《污穢之舌》，一向愛靚嘅佢除咗喺片場度親自為自己化妝之外，又向飾演佢阿媽嘅六十歲演員松原智惠子請教護膚心得，直子話松原姨塊面好滑無毛孔，都係因為一日潔面三次，為咗保持皮膚靚靚，直子都會效法松原姨。此外，直子表示平日都會去做吓健身，唔會只顧塊面而唔理身材。