有時八方真係唔明，有啲公司唔係咁大間，但又可以俾到好好人工，但係有啲公司年年賺成億億聲，出手又唔係咁高。好似李超人嘅TOM集團，佢位執行董事王兟舊年年薪就成二千三百七十三萬，加薪成十五個巴仙。
同樣又係李超人旗下，負責向港島區供電、年賺六十多億元嘅港燈，佢個話事人、即董事總經理曹棨森嘅年薪，雖然加咗十個巴仙有多，但都只係一千三百二十八萬大元，足足少王兟成一千萬！唔知曹經理會唔會同老細反映吓呢？
與港燈同屬藍籌嘅利豐，佢嘅揸fit人馮國經人工就又保守啲，去年年薪最多只有一千二百五十萬元，較○三年多十個巴仙都唔夠。有好多證券行都睇好利豐未來前景，唔知呢個係咪原因呢？
傳真︰2623-9278
電郵︰[email protected]