做得百年老店其實都係一種負累，傳統要留，但對於以年輕人為骨幹的消費社群來說，又要有吸引力而不逢迎。這方面，雞仔嘜算是做得不錯，HenryLau的參與使品牌大大年輕化，合作目前已完結，算是功成身退。便服是近年新嘗試，上一季的毛衣、冷頸巾Cutie又帶點童真，尤其討好，不過吸引筆者討荷包的，始終是五十多元的扣鈕線衫內衣。幫襯雞仔嘜而未着過其底衫，算穿甚麼雞仔嘜。底衫既好賣又要年輕化，今季喚作CbyChicks的內衣系列就來一個七彩化，好讓你「內衣外穿」。顏色包括湖水藍、綠、棗紅等，有V領及圓領設計。而今季的純棉織布料Boxer自然也轉季，大玩Colourful及立體剪裁，筆者以往的Boxer經驗都認真麻麻，最近試過雞仔嘜出品，也不得不改觀大讚「舒服」。
記者：何兆彬
售賣點：
雞仔嘜（21511148）
銅鑼灣駱克道502號地下