風騷加場　係人都撩
基仔出蠱惑𠱁周慧敏開金口

古巨基前晚在紅館舉行加場個唱，當中最叫fans驚喜的，就是基仔借助fans的歡呼聲和掌聲，邀請已極少公開演唱的周慧敏上台合唱一曲《流言》，令觀眾拍案叫絕。

古巨基在紅館舉行的四場《古巨基勁歌．金曲演唱會Part2》加場個唱前晚開鑼，為讓fans有新鮮感，基仔換了三套新衫。基仔唱了幾首歌後，忽然在台上說：「各方好友知我開個唱，都鼓勵我叫我加油，其中有一個人令我好感動。佢頭先有去後台同我sayhi，又叫我加油，佢好低調，我唔講佢個名，只叫佢周×敏小姐啦。」

「我好鍾意你」
基仔續說：「我好體貼朋友，佢唔想演出，我唔會夾硬叫佢上台，但你哋唔係佢朋友嘛，你哋咪可以叫囉。」於是觀眾拍掌起哄，要周慧敏上台。起初推搪的周慧敏，後來經不起觀眾要求而上台，還表示要與基仔相擁，基仔說：「嘩，幾多少男少女想攬你，𠵱家周小姐話要攬我喎，等我諗吓先。」最後基仔當然跟周慧敏擁抱。
周慧敏說：「我圈中朋友唔多，尤其男仔更係小貓三兩隻，我好鍾意你。」基仔興奮反問：「你鍾意我？」周慧敏說：「當你細佬咁囉。」基仔說：「我嘅心情由最高跌到最低。」

「倪震都唔知」
基仔向周慧敏笑說可當唱卡拉ＯＫ，周慧敏起初表示不懂唱基仔的歌，但此時已有工作人員拿耳機上台，基仔見工作人員欲將耳機放在周慧敏褲後，他說：「唔係諗住你掂呀？呢啲等我嚟。你又撩到周小姐秀髮呀，重撩到佢叫呀。」最後二人手拖手合唱《流言》。
事後基仔說：「周小姐話我開騷，好似佢家人開咁，所以我想同家人分享喜悅，叫佢上台倪震都唔知。」
而Kary身穿透視tubetop襯背心裙，隱隱約約見到玉背，基仔笑她說：「你一出場就畀個背脊我睇，凍唔凍呀你個背脊？」
採訪：駱華齡　攝影：陳慧安