前A1第一夫人董太久未露面，噚日終於喺由佢有份創辦嘅環保團體「綠的歡欣」舉辦嘅研討會上公開露面，為配合大會主題，董太特別着咗件綠色外套。
由於已非特首夫人，董太身邊已冇咗隨員同保鑣，不過董太氣色唔錯，有記者話佢清減咗，佢反問「係咩？唔係喎。」又話自己仍然好鍾意食嘢，至於因健康理由辭職嘅董生健康如何，佢則話老董身體好好。
董太噚日主要負責頒發紀念品，董太話當年嘅興致奇高，重講笑話政府唔只要急市民所急，重要給市民所急，事緣有次佢去日本旅行，發現百貨公司廁所有專為細路使用嘅設施，佢返香港後即向機管局建議照辦煮碗，算係為市民做件好事。
傳真︰2623-9278
電郵︰[email protected]