容祖兒昨日在廣州文化假日酒店舉行內地三場演唱會記者招待會,穿上露背裙與特別嘉賓Kenny一同出現,吸引近百名傳媒採訪。祖兒在台上開香檳及切蛋糕,之後應內地傳媒的要求簽名和合照,有求必應。
祖兒表示早前到成都出席一個餅乾活動時被指扮大牌,她解釋說:「當時個台係好大,但係啲觀眾衝晒上台,情況好混亂,其中有一個人重大聲叫我唱歌跳舞,我覺得好尷尬所以冇唱,事後睇到啲報道好唔開心,因為當時我冇準備要唱歌,更何況喺內地唱歌係要批文,但為咗避免再有類似報道,下次會考慮唱。」
採訪、攝影:曾小嘉