台資富邦喺香港嘅金融業旗艦富邦香港正式登陸，富邦集團相當重視，富邦集團創辦人兼總裁蔡萬才專程由台灣飛過嚟主持儀式。蔡總裁係台灣著名富豪，喺當地曾擔任唔少公職，○○至○四年間更是台灣總統府資政。雖然佢喺富邦香港無任何職務，但得到呢個精神領袖出席，噚日嘅活動就威好多。
其實富邦今次改名亦經過悉心安排，除咗喺酒店舉行記者會，邀請香港記者採訪外，還花了一百萬元新台幣招待三十一名台灣記者來港參加活動，更作現場直播，相信花費不菲。話時話，講咗咁耐，各位讀者記唔記得，富邦香港就係之前嘅港基國際銀行呢？
傳真︰2623-9278
電郵︰[email protected]