新特首選舉重未開跑就有贏家，除咗某啲唔知「掟」嘅土共之外，城中富豪政客都已經爭相表態讚揚煲呔曾。不過，一班長者就覺得，最近表明唔會陪跑嘅財政司司長唐英年嘅風度比煲呔更勝一籌。
啱啱出版嘅長者雜誌《長訊》，喺社論度大讚唐唐稍勝煲呔曾，認為唐唐第二份財政預算案做得穩健有餘，放寬供養父母免稅額、取消遺產稅令唔少人受惠，加上佢一早宣布唔會角逐做「剩餘特首」，態度明確，惹人好感。反觀煲呔曾一直拒絕表態，又擔心佢會唔會為求連任做足七年，採取急功近利嘅措施，呢種做法博唔到老人家歡心！
傳真︰2623-9278
電郵︰[email protected]