郭晉安、宣萱、唐寧和黃宗澤等昨日在將軍澳電視廣播城出席無綫新劇《阿旺新傳》的拜神儀式。
宣萱表示早前安仔拍攝一場踏單車追小巴戲時，差點被小巴撞倒，她說：「好彩最後安仔用腳撐開架小巴，如果唔係就會有事，個個都會嚇驚。」
談到感情生活，宣萱表示一切隨緣，她說：「我自己一個都可以過得好開心，嚟緊都有工作同會去吓旅行。」
安仔則大讚自己在劇中的造型，他說：「我個髮型師話呢個頭𠵱家喺歐洲好興，佢照住本外國雜誌嚟剪。」
對於女友歐倩怡近日經常以性感造型出席活動，並誓言擺脫小丸子形象，安仔說：「唔做小丸子咪做我老婆囉。我成日都叫佢可以性感少少，只要健康，我覺得冇問題，做呢行適當嘅性感係好事。」
採訪：王崇穎
攝影：陳慧安