花名多多，外號「蔡菜子」、「北角呂秀蓮」嘅立法會議員蔡素玉，因為喺《給香港的信》媽叉煲呔曾，近期曝光率勁升，曾蔭權話同佢係「好朋友」，亦成為一時佳話。蔡菜子噚日喺立法會前廳，不避嫌疑咁搭住煲呔曾膊頭，叫當奴要多謝佢寫呢咗呢篇文，令佢嘅擁躉紛紛蒲頭挺曾。煲呔曾笑住搭嘴，但只係四両撥千斤咁話，自己的確因為分工問題而同一啲團體比較少見面咁話。
蔡菜子之後又同記者話，佢同煲呔曾雖然唔係成日傾偈，但真係好朋友嚟㗎！嗰篇《給香港的信》本來重有一段，係講鄧小平嘅白貓黑貓論，話只要有經驗嘅人就可以治好香港，作為支持煲呔做特首嘅理據。蔡菜子鬧完人又收火，咁樣兜番轉頭，唔知煲呔受唔受？
傳真︰2623-9278
電郵︰[email protected]