劉德華早前為香港旅遊協會拍攝宣傳片，分別到歷史博物館及他出生時居住的泰亨村取景，華仔在大埔泰亨村重遇小時候常光顧的士多婆婆，又有村民爭着認曾與他踢波，緬懷舊情讓他感到既親切又熱鬧。
劉德華早前特地返回出生地泰亨村緬懷舊情，為香港旅遊協會拍攝宣傳短片「星星細語香港情電視專題片」，介紹香港百年進化史、人民文化與鄉土情懷，該片稍後將在內地播放，吸引更多自由行旅客來港。
華仔為介紹香港百年變遷，亦到了香港歷史博物館取景，首次參觀此館的華仔見到一個六十年代士多辦館展區時，即雀躍地跑入內，他說：「我細個時屋企都開咗間士多仔，同呢間一樣。」心情大佳的華仔更鬼馬地扮蠟像拍照，其後看到一間舊式理髮店，又跳上理髮椅上留影。
而返回泰亨村拍攝當天，華仔表示小時候跟隨父母搬離後，已甚少返回該處，村長及街坊都聞風而至一睹華仔風采，結果華仔甫下車即被大批村民包圍索取簽名及合照，有老婆婆還拉着華仔的手不停問：「你記唔記得我？我喺村口開士多，你細個成日嚟幫襯，你幫我問候你媽媽。」華仔說：「返嚟呢度感覺好親切，村長叫我多啲返嚟，有位村民重跑返屋企攞張相，話係佢屋企人細個同我踢波時影，我六歲就離開呢度，相中人最少都十四、五歲，我都認唔出自己，佢猛話其中一個係我，好好笑。」
其實華仔的父母偶爾會返泰亨村祭祖，華仔表示小時候的居所仍然存在，不過已讓給親友居住，他說：「諗起以前都好為我老竇驕傲，佢當年心口掛個勇字，就帶住全家去市區生活，冇留喺度等分太公啲地，自食其力。」
撰文：蔡如玉
