官恩娜遭電話轟炸掟爛手機

官恩娜（Ella）、梁洛施（Isabella）、劉浩龍及吳浩康前晚在九龍灣國際展貿中心演出《903攞滿繽紛Show》，為快將考試的學生打氣，及提供減壓方法。

「冇同房祖名拍拖」
Ella表示以往會狂食減壓，但現在因怕肥而改變方法，問她會否掟東西紓壓，Ella說：「唔會，咁極端，我試過有朋友狂打電話畀我，煩到我掟爛咗部手提電話，之後好後悔，因為冇錢買番。」Ella又謂自己不記仇，以往男友都是和平分手，問她有否生房祖名的氣，Ella說：「我冇同佢拍過拖，都係唔好講，好鬼驚。」
問Isabella如何減壓，她說：「我以前喺澳門未考過公開試，我讀到中五爭幾個月，𠵱家進修同買書睇囉。考試咁辛苦，做多啲運動同打波減壓咪得囉。」Isabella又表示從小已是天主教徒，但沒有見過教宗，而她每周都會往教堂祈禱。對於教宗離世，她說：「我都好傷心，相信佢去第二個地方會開心。」
吳浩康則謂他不會再以不良嗜好來減肥或減壓。
採訪：駱華齡
攝影：陳偉權

梁洛施（左一）及劉浩龍（右二）前晚到九龍灣出席活動，為學生提供減壓方法。

吳浩康表示永不再以不良嗜好來減壓。