煲呔曾嘅民望一枝獨秀，除咗陳方安生之外，都好難搵第二個人可以砌低佢。自從老董辭職後，喺外地嘅陳太一直冇講過嘢，政府今日會宣布提呈人大釋法，政圈傳聞陳太會喺今日呢個敏感嘅時候返港，睇怕各路唔想煲呔曾自動當選嘅人馬，包括民主派都會游說陳太選特首。
不過，陳太出嚟選嘅機會真係唔大，八方聽聞內地有個講法，前幾年有個國家級領導人曾經搵過陳太，重搞掂陳太應承○七年唔會選特首，不過呢個傳聞就梗係冇得證實啦。
既然陳太唔出嚟選，如果煲呔曾得到民望勁嘅陳太支持，到時肯定更加冇人挑戰佢。
傳真︰2623-9278
電郵︰[email protected]