八方噚日質疑蘇州大學唔識新聞自由，喺大學海外教育學院嘅記招請《蘋果》記者食閉門羹。幫學院搞招生嘅顧問公司噚日就出咗份澄清聲明解畫，承認舊年佢哋公司用咗幾萬蚊喺《蘋果》刊登介紹特輯後，收到蘇州大學嘅通知，話有北京領導高層質疑呢個做法，重勸佢哋最好減少喺《蘋果》刊登廣告。
間公司又話，今次《蘋果》記者被拒採訪事件，原來係因為記招當日，八方嘅同事早到咗，搞到學院副院長錢景瑋以為係想同佢做專訪，所以先至拒絕，絕對冇妨礙新聞自由嘅意思喎。間公司重話，考慮短期內開記招澄清，並接受傳媒提問。八方睇完份澄清聲明，覺得佢哋有時真係好坦白，但係就依然唔係好明白乜嘢叫做新聞自由。
傳真︰2623-9278
電郵︰[email protected]