市面上有唔少工業股，部份從事的行業相當冷門，好似IPE（929）咁，業務主要係生產硬盤驅動器等精密金屬零件，主要應用在電腦方面，但近年MP3流行，亦令IPE生意大幅上升。
IPE上月公布去年業績，盈利有5067萬元，比去年增長19.5%，作為一隻上市唔夠6個月的新股，末期息派1.8仙，確實唔話得。
經紀黃話，IPE生意較冷門，一般投資者未必會捧場，隻股由去年11月上市以來，一直由芬佬主導，成交亦唔算多，但股價就企得頗硬淨，IPE去年11月以每股0.77元招股上市，股價最高見過1.27元。周一隻股跌1.69％，收1.16元，成交股數41.5萬股，金額僅48.5萬。
經紀黃話，IPE生意唔差，兼且公司近年積極投入資本以擴充產能，若果能夠加以推廣嘅話，相信前景不只於此。據聞有關人等亦了解情形，將加強與投資者及證券界人士溝通。
慕容小初