今日開始，逢星期三嘅立法會會議都喺朝早十一點開波，一改過去立法機關下晝兩點半開會嘅傳統。八方特別提提市民同團體，如果要去立法會示威，抗議人大釋法，記住準時十一點前到，唔好去錯時間。
話說立法會要改百年傳統，就係因為今屆立法會議員好勤力，特別係啲新丁經常發言，搞到立法會好多次會議，唔係搞到半夜十二點後先收工，就係拖到星期四繼續辯論，為咗喺星期三一日搞掂晒兼早啲收工，啲議員就同意提早開會。
不過八方擔心新安排好容易搞到流會，分分鐘去到中午十二點、一點左右，啲議員個個去晒食飯醫肚，搞到唔夠法定人數，希望啲議員醒神啲，唔好為咗食飯搞到流會。
傳真︰2623-9278
電郵︰[email protected]