九廣鐵路公司為咗保障職員健康，早前搵咗顧問公司量度火炭總部大樓嘅室內空氣質素，結果發現，小職員辦公地方嘅空氣好好，反而八樓田北辰主席等高層職員嘅辦公室同埋董事局會議室，竟然最「烏煙瘴氣」，真係為田二少身體擔憂。
九鐵公司風險管理經理何世傑話，經過調查，發現八樓辦公室裝修過，所以釋放出唔少有機化合物同懸浮粒子，而且西裝乾洗後都會釋放化學物質，會議室日日有大班西裝友開會，空氣自然差啲，九鐵即時買咗幾十部火山石空氣淨化機返嚟，放喺所有空氣差嘅地方，𠵱家九鐵總部空氣不知幾好，重俾環保署評定為空氣質素良好嘅大廈㖭。
傳真︰2623-9278
電郵︰[email protected]