梁詠琪（GiGi）日前於北京以服裝代言人身份出席記者會，活動在一個平時人流甚少的露天場地舉行，仍然吸引約千名欲睹GiGi風采的歌迷到場。活動舉行了半小時，GiGi才出現，但觀眾顯然熱情不減，部份人更趁機撲到台前與偶像握手。
問GiGi為何遲到，她說：「我唔係遲到，更加唔係耍大牌，因為個活動場地有張好大型、有我個樣嘅帆布廣告，𠵱家北京好大風，張帆布搖得好勁，老闆驚佢跌落嚟會整親我，所以搵人整好先畀我上台，咪搞咗半個鐘囉。見到啲人等咗咁耐都冇嘈，我好開心呀。」
GiGi換了幾套服裝供拍照，還將它們作慈善拍賣，籌得二萬元，全數撥捐給北京市殘缺協會，GiGi說：「真係好開心，拍廣告酬勞已經令我好滿意，重可以做善事幫到人㖭。」
