福建蔡菜子撰文抨擊煲呔曾一世好彩先有機會做特首，又將衞生福利及食物局局長周一嶽（圖）擺上枱，話佢都有機會做特首。對於土共出招搞分化，周一嶽都冇你咁好氣，佢噚日出席完港台節目《千禧年代》之後話，自己前日去睇跑馬，個個朋友都話最好揀馬王「精英大師」馬主施雅治做特首，因為佢有大把票。周一嶽自認唔係特首嘅級數，加上自己又好鍾意做問責局長，搞好醫療，福利等工作，根本冇諗過問鼎。佢又話自己同煲呔曾關係相當好，大讚煲呔經驗豐富，精明能幹。咁識做人，真係抵你做高官。
傳真︰2623-9278
電郵︰[email protected]