《蘋果日報》創刊咁多年，每日都喺艱辛中奮進，面對好多困難，噚日八方個同事就遇到啲咁嘅情況。事緣噚日蘇州大學海外教育學院嚟香港開記招，講吓今年招募海外生嘅大計，八方個同事應邀去到記招，竟然要食閉門羹，原來幫學院搞招生嘅顧問公司舊年幫學院喺《蘋果》賣招生廣告，結果國務院有人睇到，打電話向學院同間公司詐型，話以後唔准咁做。所以學院院長錢景瑋噚日一見到八方嘅同事就詐型，重同間顧問公司講，如果見到蘇州大學呢幾個字喺《蘋果》出現，就可能要取消合約，叫佢地唔好因小事影響大事。院長重叫《蘋果》記者最好唔好報道。其實八方有時真係唔明，咁大間大學，連乜嘢叫做新聞自由都唔識，你話點算。
傳真︰2623-9278
電郵︰[email protected]