早前已預告會退休嘅TVB集團總經理何定鈞，已鐵定於5.1退休，佢老人家𠵱家已經享受緊退休前休假，正式退休之後，除咗湊孫，會繼續擔任TVB嘅非執董。喺早排TVB特別股東大會，佢曾講過退休係希望畀多啲機會後輩。咁邊個接替佢？
就係重返TVB娘家嘅副董事總經理陳禎祥，陳生一九七五加入TVB，由行政助理做起，一路升至市場推廣及營業總監同睇埋TVBI，後尾俾小小超李澤楷賞識，搵佢過檔幫手搞衞星電視重入埋盈科數碼動力做執董幫手搞NOW……最後響舊年重返TVB。陳禎祥其實同TVB好有緣，佢同阿哥陳慶祥都響TVB又出又入，不過細佬個file就馨香好多，亦冇傳同邵蛇不和。
傳真︰2623-9278
電郵︰[email protected]