韓劇《大長今》月底在內地全國播映，據知不少內地歌手爭唱《大》劇國語版主題曲，但最終又落入陳慧琳（Kelly）手中，歌曲日前已錄好。上周《大》劇平均收視四十點，最高點捧場觀眾人數更達二百七十五萬，更撼低《藍色生死戀》成為最回味韓劇。
韓劇《大長今》在港大收旺場，連帶陳慧琳唱的主題曲《希望》亦唱到街知巷聞。據知，深受內地年輕人歡迎的湖南衞視，已成功購得《大》劇內地播映權，定於月底全國播映，預料長今熱繼韓國、日本、台灣和香港後，將在全國各地再度掀起熱潮。
《大》劇國語版主題曲更是內地一班歌手覬覦對象，但可靠消息指出，這塊肥豬肉再次落入Kelly口中。記者昨日致電Kelly經理人鍾珍，求證Kelly是否主唱國語版《大》劇主題曲時，鍾珍承認說：「係，今次有機會唱埋國語版主題曲，我哋真係好開心好榮幸，Kelly已經錄好首歌，過幾日會send過去畀有關方面。至於今次有乜競爭對手，我哋真係唔清楚，只係知道內地方面見Kelly唱香港《大》劇主題曲反應好好，所以搵埋佢唱國語版啫。」
此外，Kelly、官恩娜、許懷欣和容祖兒等，前晚在無綫將軍澳電視廣播城錄影《勁歌金曲》，Kelly主唱的《大》劇主題曲《希望》成為冠軍歌。對於「小長今」趙貞恩將來港跟她見面，Kelly說：「我都想送份禮物畀佢，原本想買衫，但佢好似高大咗，𠵱家同fans一齊重諗緊，會送啲有中國特色嘅衫畀佢。」
至於無綫上周播映《大》劇，平均收視四十點，約二百六十二萬觀眾收看，最高更達四十二點，有二百七十五萬觀眾捧場。而上周一至五黃金時段收看無綫的人數更達百分之八十九，創下無綫九一年使用個人收視紀錄儀以來最高紀錄。
近日有團體就「最回味韓劇」作出調查，結果《大長今》以四百四十票撼低一百四十四票的《藍色生死戀》。
採訪：陳月媚、王崇穎
攝影：陳偉權
