提起玩碟仙，係人都會心驚驚，想知自己運程之餘，又怕一個唔好彩撞到正。不過咁，搵呢個西洋碟仙就令人好放心，皆因佢設計省鏡兼且冇邪靈，清明時節開壇問卜都唔怕俾阿媽話邪門。唔想搵碟仙？一樣有計！市面重有唔少占卜遊戲，玩法簡單，唔使拜師學藝都可以一嘗做占卜師嘅滋味。
記者：馬慶武、尹珊珊 攝影：陳陶鈞
Models：Terry、Katie（D8）
碟仙、銀仙呢啲玩意感覺較邪門，玩唔過！不過呢盒「西洋碟仙」就完全唔恐怖，只係玩法類似中國嘅碟仙。只要打開圖板，放上手指（說明書冇講話一定要中指）誠心諗說明書內附嘅咒語後就可以問問題，透明占卜碟最後停低嘅地方就係答案所在啦！
睇睇點解……
FatherSun（太陽爸爸）
代表一切將會更好，但關鍵在要先徹底了解事件背後的意義。
Butterfly（蝴蝶）
追尋新意見，不要鑽牛角尖，事情會變得簡單。
Pumpkin（南瓜）
要利用人際關係，尋求身邊的人幫忙。
占卜石 抽出好運氣
Runes占卜石是起源於北歐的占卜術，一袋有二十五粒，每粒石上刻有不同圖案代表不同意思，誠心問問題之後抽出，再依說明書查出圖案意思。
靈擺 搖兩搖知吉凶
靈擺，亦都是一種夠晒簡單的占卜術。方法是將靈擺凌空，占卜前要用心問靈擺代表「是」和「否」的不同擺動模式，之後就可以問不同問題，看看靈擺的擺動方法而得出答案。
靈擺可以係金屬製，亦可以係晶石製，而且形狀層出不窮，購買之前要先試驗靈擺是否對持有人有反應（即擺動是否有規律）。
迷你籤筒隨時問卜
玩咗幾件西洋嘢，東方嘢又點少得。玩乜？梗係求籤！唔使去黃大仙，想隨時隨地都可以求神問卜，有隨身攜帶的電話繩籤筒就掂。誠心許願後將筒身搖晃，即會跌出一支小籤。河童籤筒電話繩，款式略遜，但勝在夠平，抵玩！
a. 利時神婆
尖沙嘴利時商場115號舖（23013186）
b. TheNewAgeShop
中環奧卑利街7號地下（28108694）
c. GiftCentury
銅鑼灣怡和街1號銅鑼灣地帶1樓144號舖（28818762）