網球這類運動，齋睇其英姿已經夠煞食，再加埋為愛人而奮鬥更加掂。《雷霆傘兵》導演李察洛簡尼（RichardLoncraine）拍的《球戀大滿貫》除了加插一般英式戀愛橋段，還認真地要求演員在開拍前，接受為期四個月的網球訓練，務求拍至每位演員似足打溫布頓比賽，另描述網球員在比賽中的壓力及心理情況，也非常細緻。女主角《蜘蛛俠》姬絲坦登絲（KirstenDunst）可能訓練未夠，每場波打到走晒樣，男主角《有你終生美麗》保羅彼特尼（PaulBettany）除姿勢似模似樣外，表情也十足網球員。
故事講述彼得（保羅彼特尼）的球壇生涯面臨低潮，幸而獲得溫布頓網球賽的外卡參賽資格。年輕女球手麗絲（姬絲坦登絲）野心勃勃，贏得大滿貫是她唯一夢想。兩人相遇後即相戀，彼得重燃鬥志，麗絲終明白取得大滿貫，不是人生唯一目標。如果大家有睇過《NottingHill》，其戀愛情節大同小異，都係英國仔溝美國妹，不過此片注重打波，其他配角的搞笑位亦恰到好處。DVD內收錄「直擊溫布頓」片場幕後花絮、演員變身球星訓練過程等。睇完全片及訓練過程後，真係想學番兩手。
文：盧曹珠
發行：年代影視
查詢電話：27875503