飲食人誌︰整卡通Cake「咬」名牌手電<br>兒童節食得有Fun飲食人誌︰整卡通Cake「咬」名牌手電
兒童節食得有Fun
對成年人來說，今日可能只是要上班的星期一；但對小朋友來說，卻另有意義，皆因今天是兒童節。如果今天有空，不妨跟小朋友一起齊齊整個卡通Cake，搞笑好玩過後，還可以齊齊分享甜蜜之味。如果今天沒空陪仔女也不用內疚，下班後帶個Cutie朱古力電話回家，看看他可會開心到震？
記者：謝翠玲 攝影：楊錦文
Models：朗朗，耀，Anson（D8）
焦糖布丁$30
軟軟滑滑的焦糖布丁加上棉花糖，是小朋友至愛；用小匙將布丁撞到「震震吓」，逗得他們哈哈笑。
朱古力暖心蛋糕$48
一次可以食到朱古力蛋糕和雪糕，最能滿足小朋友貪心的願望。就用叉子把蛋糕戳穿，流出朱古力漿，給他們驚喜。
廚師示範作
■朱古力慕絲間朱古力海綿蛋糕餅$280（24cm模，約2磅）
■芒果慕絲餅$180（18cm模，約1.5磅）
■芝士蛋糕餅$150（13cm模，約半磅）
小朋友傑作
■Anson（7歲）的芒果慕絲餅$180
■耀（8歲）的芝士蛋糕餅$150
■朗朗（4歲）的朱古力慕絲間朱古力海綿蛋糕餅$280
瘋狂整餅 愈大個愈抵玩
小朋友都喜歡自由發揮創意，想他玩得開心又有成功感，可以帶他們去Colon玩整餅；有得食又有得玩，好比可以滿足兩個願望的出奇蛋！Cafe平日以甜品和特色蛋糕為主，今次的整餅DIY，是以預先製作好的招牌餅底，再另配材料，如卡通人物餅仔、七彩糖霜、朱古力糖和顏色糖漿筆等，給小朋友玩餐飽。嬉戲時，老闆兼廚師的阿Mon會在旁輔助，不怕玩到亂七八糟。
20分鐘整餅大混戰
Colon（28953155）
地址：銅鑼灣蘭芳道3號2樓
營業時間：星期一至六3:00pm-12:30am
座位：30個
交通：地鐵銅鑼灣站A出口
備註：整卡通餅不限年齡，但宜先預約。
1.朗朗：等我摺好衫袖先！
2.廚師阿Mon：手仔夠定，膽仔夠大，就會畫咩似咩！
3.朗朗：似咩都唔緊要，最緊要放多啲餅仔、牛奶朱古力……
4.（左）Anson：你亂咁唧，都幾型噃！
5.Anson：啲材料咁鬼得意，我實在忍唔住啦……
6.（左）Anson：嘩，你出晒界；都係我做得最靚！
猛料低糖朱古力夠搞鬼
不想只是在超市買排朱古力咁「行」？可以考慮Patchi的兒童系列。Patchi於1974年於黎巴嫩設立，世界各地也有專門店，香港是第106間分店；在英國著名百貨公司Harrods中，它更是銷量第一的朱古力品牌。這朱古力除Sugarfree系列外，都只有3-5%糖份，較為健怡。以下介紹的Patchino系列以牛奶朱古力為主，價錢也算經濟，尤以搶眼包裝，最得小朋友歡心。
Patchi（31015553）
地址：尖沙嘴廣東道3號海港城馬哥孛羅香港酒店商場3樓333號舖
營業時間：11:00am-8:00pm
交通：地鐵尖沙嘴站C出口
朱古力手提電話$50
小朋友都渴望擁有自己的手提電話，不妨買這款仿真度達八成的牛奶朱古力給他扮講電話。朱古力電話只有外殼，不怕吃到蛀牙呢。
朱古力波板糖$15/支
小小一片波板糖，方便細路口咬咬。
朱古力蛋（$30/紮）（１紮2粒）
以小麻包袋包裝的朱古力蛋夠精緻，那小鬱金香夾子更是討人歡心。
牛奶朱古力$68/100克
牛奶朱古力磚那色彩斑斕的包裝紙，讓人看得心花放。買多幾粒，可以用來玩砌積木呢。
動物牛奶條組合$50
顏色搶眼的組合，有齊大笨象、狗仔、貓仔等動物，內裏是不同口味的牛奶朱古力條。
BB系列
家中小女兒最愛小熊嗎？這專為BB而設的系列，有小熊熊陶瓷盒（大$80、小$50），搖鈴$50，小匙$70；加上果仁朱古力粒$40/100克。
朱古力醬$75/400克
用朱古力醬來塗麵包是小朋友喜歡的食物，這種只有3%糖份的朱古力醬食落不太甜。
朱古力筆$50/4支
支支不同顏色的朱古力筆是加入了果仁的朱古力條，勝在包裝煞食。