福建幫嘅蔡素玉「批曾」言論一出，即時激起千層浪，大家都知福建幫喺香港影響力唔嘢小，正十五、十六諗緊好唔好參選嘅自由黨田北俊，噚日俾記者問佢同福建幫關係點，田少話佢老婆係福建人，冇答太太會唔會為佢拉票，只係話自己都唔係好聽得明福建話。
噚日自由黨主辦嘅「自由盃」大專辯論賽舉行決賽，由中文大學對壘香港大學，辯題係「扶貧不應靠派錢」，最終由中大勝出。
做正方嘅中大辯論員最醒就係不停引用前自由黨成員、財爺唐英年嘅言論，識得捉主辦團體心理，結果攞咗二萬八千蚊冠軍獎金，亞、季、殿軍都分別有萬四、七千同一千蚊獎金，自由黨果然有米兼出手夠豪。
田少致辭時大讚班學生口才好，日後畢業做議員，可以喺議會中幫手質問官員。
傳真︰2623-9278
電郵︰[email protected]