煲呔曾自從成為下屆特首頂頭大熱之後，可謂四面楚歌，噚日除咗俾有「民建聯菜菜子」之稱嘅蔡素玉，公開抦佢同愛國力量感情疏離外，連小學生都唔放過煲呔曾。話說香港小童群益會搵咗十五名年齡由十一至十五歲嘅學生寫咗份小小施政報告，喺份報告入面，班學生除咗話建議政府設立扶貧基金會、協助有需要嘅兒童、打擊官商勾結同多聽取市民意見外，佢哋亦指煲呔曾要注意本身嘅行為，好似佢當日返政府總部同盛傳已辭職嘅董建華見面時，邊行邊吹口哨嘅行為，表現過於自信，佢哋建議煲呔曾要本着良心行事，唔好屈服於壓力，而進行教育改革時亦唔好過急，否則會被稱為「乞人曾」。
傳真︰2623-9278
電郵︰[email protected]