一天裏玩四次紙牌遊戲、帶領病人做重複又重複的動作，職業治療師的工作是否刻板及單調？曾在醫院和私人治療中心執業的職業治療師陳薏鈴坦言，日常工作就像「查家宅」，對工傷、燒傷、年輕中風個案，每人都需要她深入了解；遇上兇惡及貪小便宜的病人，她就要懂得忍耐及婉拒。作為職業治療師，每天的工作都是挑戰。
在公立醫院工作時，陳薏鈴每天遇到的個案都截然不同：有嚴重燒傷的男病人，即使傷口厚厚包紮着，仍堅持上班，繼續燒焊工作；又有二十歲出頭的年輕病人，因為中風而性情大變，令她黯然，「我自己都知，要同佢講『要畀啲信心、冇咩克服唔到』，但係其實我個心都覺得佢真係好慘。」
哀傷的故事固然教人感到沉痛，但那些自恃是納稅人、毫不留情責罵醫護人員的「惡死」病人，喜歡貪小便宜、連壓力衣也想「攞多件」的巿民，最令她氣結。「原來唔係sales（推銷員）先會被客人鬧，醫護都會，鬧到你飛起呀！」最令她厭倦的是處理工傷賠償個案，「覺得好討厭，成日要質疑人哋嘅傷勢係真定假，真係好攰！」
她猶記得曾有一位媽媽帶着患上腦部發展障礙的女兒求診，媽媽無法接受女兒發展遲緩的事實，拒絕領取印有「職業治療部」字樣的玩具袋，又不願在家中訓練女兒，只會埋怨醫護人員的治療方法不合適，令小女孩八個月來毫無進展。陳薏鈴形容自己「好肉赤」，「家長唔肯去面對，係就連累咗佢個小朋友。」
其後她轉到私人治療中心執業，現在每日面對小朋友，自己也較以往開朗及輕鬆，「小朋友永遠唔會呃你，鍾意你就鍾意你，會突然間講啲好得意嘅說話，就算佢得一粒糖，都會請你食。但唔鍾意你，佢就會即刻走。」她笑言，自己已「不幸」患上了「職業病」，「去到玩具反斗城拎起件玩具，就會即刻諗有咩用；平時朋友開派對，都要我負責諗遊戲。」 記者：張嘉雯
逢周一刊出