大學畢業的阿賢，從來沒想過自己會因為失業，走上窮途末路。「𠵱家我全副身家得番三百蚊，三月、四月份嘅屋租都未交，真係唔知點算。」
四十七歲單身的阿賢，擁有工商管理學位，一直在電腦公司工作，曾經當過部門經理，可惜早年科網股爆破，阿賢任職的公司倒閉，他隨即失業。
「呢幾年我一直搵唔到一份長工，就算降職減一半人工，都冇人肯請，好坎坷！」阿賢歎道。
及至最近，阿賢終於找到一份電腦推銷工作，生活露出曙光，可惜山窮水盡的他，連上班錢也欠奉，十分彷徨。
「呢三年，我都係做散工，有工開就有錢，冇工開就一毫子都冇。上年爸爸過咗身，我身為獨仔，要幫佢搞身後事，結果連小小積蓄都用埋，𠵱家三餐都搞唔掂。」
阿賢表示，雖然剛找到的工作人工並不多，但能夠脫離失業大軍，他已經心滿意足，惟鑑於要一個月後才出糧，阿賢實在捱不下去。
「我份工要四圍去推銷見客，車錢、飯錢一定慳唔到，自己朋友又唔多，𠵱家真係冇人可以幫到我。」蘋果日報慈善基金了解阿賢的需要後，撥款三千元助他度過難關。
捐款編號︰C1666
暖流熱線
電話：29908688
傳真：23702192
電郵：[email protected]
網址： http://www.charity.atnext.com