新世界發展董事總經理鄭家純喺中環新世界大廈總部嘅辦公室重新裝修，搞咗半個月，上星期四佢請一批傳媒到佢辦公室講吓集團業務。近期「挺曾」成為富豪界指定動作，講完集團業務，純官亦被問到是否支持曾蔭權做特首。
純官話，做特首最重要令香港繁榮安定，平息爭拗，「太多聲音其實對香港唔好，大家努力工作，為香港繁榮安定最緊要，個個都有錢使，安居樂業就最好，搞咁多嘢做乜呢？」
不過，商人最識分散投資兼有兩手準備，一日未到關鍵時刻，一日都唔會綁死自己，所以問到純官係咪會投曾司長一票時，佢就話：「總之到現在佢係最適合人選啦。」
傳真︰2623-9278
電郵︰[email protected]