德國最大型音樂頒獎禮EchoAwards前日喺柏林舉行，雖然「最佳國際流行?搖滾男歌手」同「最佳國際hiphop歌手」分別落喺RobbieWilliams同Eminem兩位英、美巨星身上，但佢哋都齊齊甩底，所以當晚由瑪麗嘉兒（MariahCarey）同Anastacia兩位有歌藝有身材嘅靚女撐場，在場fans一樣睇得開心。
RobbieWilliams自個人發展之後，喺德國非常受歡迎，佢已經連續四年成為EchoAwards「最佳國際流行?搖滾男歌手」。大會事前喺貴賓室擺定Robbie最鍾意玩嘅PlayStation遊戲機吸引佢到場，但佢都冇出席。
另一方面，雖然Eminem亦冇出現，但佢預先拍咗捧獎片段，佢喺片段中話：「多謝大家，但個獎座太長，我諗要鋸咗個頭先至可以擺喺我嘅書架上面喇！」
而當晚有到場嘅Anastacia，就首次獲得「最佳國際流行?搖滾女歌手」，而瑪麗嘉兒雖然空手而回，但佢為咗宣傳新碟《TheEmancipationofMimi》，所以表演得份外落力，瑪麗重話佢近年已經好似唱片標題一樣，嘗試解放自己，好似以前做訪問因為太緊張，所以答案只會一句起半句止，但𠵱家會以輕鬆態度同記者暢所欲言喎！