港交所上星期六搞咗個投資者研討會，由於近排港交所同證監會「紮行馬」，所以即使係早上九點半，都吸引唔少傳媒採訪，至於吸引八方嘅就係另一位講者──交易所上市科高級總監詹德慈。
提起詹德慈，唔少人第一時間諗起佢哥哥，就係曾經同蕭芳芳喺電視合作《聽歌學英文》嘅詹德隆。不過其實詹德慈喺金融界嘅名聲絕對不遜於佢阿哥喺文化界嘅地位。
詹德慈九七年加入滙豐旗下嘅投資銀行獲多利，喺之前已經係聯交所上市科公司財務部副主管，監察企業融資。舊年底佢重返港交所，幫輕吓上市科主管韋思齊，當然亦更上層樓了。
傳真︰2623-9278
電郵︰[email protected]