張燊悅、王秀琳（Mango）及名模陳沛嘉，昨日在銅鑼灣崇光百貨內穿上不同牌子服飾為「牛仔春裝巡禮」作示範，Mango和張燊悅湊巧被大會安排穿上同款的百褶牛仔裙，但幸好是一齊做騷，大家未有尷尬。
不過Mango則遠比張燊悅搶眼，因為她以低胸露臍裝上陣，女人味大增，當她知道與張燊悅的百褶裙相同時，Mango十分識趣地說：「佢瘦啲，着得靚啲，不過我平時都好少咁着，怕走光，所以今日都好小心，做足安全措施。」Mango表示夏天將至，要盡快瘦身，但她的上圍似乎較以往豐滿，Mango即笑說：「唔係吖，我平時着得密實啫，覺得自己啱啱好。」
而當張燊悅獲知Mango稱讚她後即說：「佢瘦我好多，佢性感啲，但今日唔係鬥性感，係牛仔活力，冇所謂啦。」
採訪：卓寶花 攝影：陳慧安
