假期去澳門一行，呢個梳打埠，又有金光大道又有橋，真係前途無量，好彩我哋個未來特首位夫人，都係來自嗰邊，總算沾番少少光。
曾蔭權近日當紅，八方跟紅頂白，去到澳門，當然半夜都要去幫襯六記明食番碗蝦子撈麵同滷水鳳爪，因為呢間毫不起眼的麵舖，就係曾老闆嘅至愛。過親大海，佢都盡量去捧場，唔去金沙好閒，唔去食麵就唔安樂。
好似澳門去年十二月尾慶祝回歸五周年，董先生率領司局長齊齊過去澳門，接受胡主席訓示。呢啲咁重要日子，曾司長（當時重係司長）都百忙抽空去六記食麵。嗰一次，董先生被人吩咐去查找不足，曾先生就有幸握手六秒，往後發生咗乜事，都唔使八方多講。而嗰日啲麵，一定特別好味囉。
傳真︰2623-9278
電郵︰[email protected]