上台鬥髮玩自爆
黃伊汶M字額Maggie俾鬼搣

黃伊汶、劉思惠（Maggie）及蔣雅文（Mandy）前晚在九龍灣展貿中心，為美髮品牌擔任模特兒作髮型滙演，三人以不同髮型示人，十分奪目。

「唔夠錢問公司借」
黃伊汶表示她自小頭髮稀疏，要塗白蘭地生髮，現在又開始有M字額，故要特別護理頭髮，而Maggie穿着超短裙行樓梯時，春光乍洩，還被指大腿內側有瘀痕。
Maggie做完騷後表示即將請假一年去照料受傷的母親：「今年好多事，年頭感冒菌入腸胃，住咗兩日醫院，我媽之前又跌親，整親頸椎骨，好嚴重，條頸鑲埋螺絲，要keep住戴頸箍，屋企又冇工人，所以我要請一年假去陪佢。」問到會否因此而影響收入，Maggie輕鬆地說：「應該唔會，之前做嘢有積蓄，唔夠咪問公司借囉。」Maggie表示短裙是大會安排，至於大腿內側有瘀痕，她則說：「我唔知，照鏡睇唔到喎，又唔痛，可能俾鬼搣，我呢排精神唔好，成日瞓唔好。」
採訪、攝影：王連連