明天是細路大晒的兒童節，但適逢是星期一，要返工的爹哋媽咪未必能抽空陪仔女玩。不如就趁今日飲早茶時，點幾款得意可愛的動物點心來逗小朋友開心，預早慶祝兒童節。多款動物點心中，以蒜茸糯米蟹和豆沙墨魚仔的造型最為逼真，一鹹一甜，細細隻啱晒小朋友嘴形。
另外，新近推出有一個精叻兒童套餐，每位$38，食物包括有燒雞槌伴海蜇及甜粟米、小肥牛米線、棉花小白兔、鮮雜果涼粉和果汁賓治，小朋友見到一定心花放。點這個兒童餐更可以得到一份兒童畫冊及顏色筆作為小禮物；不過禮品數量有限，送完即止。
記者：謝翠玲 攝影：楊錦文
映月樓（27220932）
地址：尖沙嘴梳士巴利道10號文化中心餐廳大樓1樓
備註：部份美心粵菜酒樓供應精叻兒童餐
