丘成桐教授喺恒隆集團個《恒隆數學獎》度唔止做頒獎嘉賓，重勉勵下啲得獎同學仔，呢位哈佛大學數學系教授兼菲爾茲數學獎得主話，佢重係呢個年紀嗰陣，同大家一樣好天真，呢樣嘢好緊要，因為咁至會有一股熱誠去做學問。當時，佢好想學習更多數學，但礙於大環境限制，冇咁多資源又或者師資等等，所以無乜機會，唔似得𠵱家啲學生咁幸福，自己叻重有先生幫，佢重讚得獎學生嘅論文比起佢細個做嗰啲成熟好多，但係大家重要努力，因為呢啲論文離真正數學研究重有好大距離。
教授又話，從無認為自己係一個好成功嘅學者，勉勵學生要思考、花時間品嘗有深度嘅數學文章，好似佢咁，𠵱家都重不停思考求創新。總之，香港五、六十年代嘅環境都可以培養出咁多一流科學家、數學家，呢一代學生要成為世界一流學者絕對無問題！其實八方就覺得，淨係學到教授謙厚呢樣嘢就夠好啦！
大師級即係大師級，丘成桐頒獎兼贈幾句畀啲後生仔，搵句廢話都冇，八方真係衷心希望我哋啲官學下！
傳真︰2623-9278
電郵︰[email protected]