社會要進步，當然唔少得大家嘅創意。香港青年協會為咗推動年輕人多啲搞搞新意思，由噚日起一連兩日舉辦創意思維競賽活動，有超過一百間中、小學嘅三千幾位學生參與。大會噚日重安排咗一個奇幻服飾大巡禮嘅環節，學生穿着奇裝異服，即場展示佢哋嘅創意。
主持開幕禮嘅衞生福利及食物局局長周一嶽見到同學咁醒，佢都唔執輸，即時除低大會為佢準備嘅一頂花綠綠嘅帽，話原來戴呢頂帽都有唔同方法，向橫戴就似拿破崙，向前戴就似威靈頓，重打敗拿破崙㖭。佢勉勵學生，同一個問題可以從唔同角度諗，有創意就可以解難咁話，真係啱聽。
傳真︰2623-9278
電郵︰[email protected]