方力申昨日在中港城擔任「兒童節好玩兒童叮一叮」歌唱比賽評判，他表示若有人模仿他，則盡量讓對方多唱一會給自己欣賞。問到若有人扮Twins，方力申可會因為對方笑容似女友鍾欣桐而變得「手鬆」？他說：「唔會，我都唔記得任何人嘅笑容。」
前日是方力申母親的生辰，他與家人吃晚飯慶祝，方力申說：「我送咗一個鑽石吊墜畀媽咪，呢次算係我第一次買鑽石，佢笑住口話我嘥錢，但我知佢好鍾意。其實最初我返到屋企，媽咪好嬲咁幫我執緊啲報稅單，後尾見份禮物即刻冧晒。」
此外，對於教宗病重的消息，沒有宗教信仰的方力申說：「我相信有神、上帝、耶穌，我會為教宗祈禱，希望佢好番同減輕病情。」
採訪、攝影：王連連