名數學家丘成桐教授忽然轉搞文史哲，成立一個基金，專門請文史哲名家到中大講學，原來背後有一段父子情。個基金係以丘教授嘅父親丘鎮英命名，佢喺丘教授十四歲時就過咗身。
丘鎮英生前喺崇基書院教過書，丘教授話父親當時年薪約四千蚊，但丘家係大家庭，父親經濟壓力好大。佢又話父親嘅教導好嚴，佢細個時背錯字或記錯，父親都會打佢手板。
丘成桐𠵱家係中大教學科學研究所所長，自從大學推行籌款計劃後，丘教授前前後後捐咗二百萬畀中大，𠵱家成立呢個基金嚟推廣文史哲。佢話科學家有文史哲嘅修養，可以擴闊思考空間，佢有今日嘅成就，都係多得本身係文史哲專家嘅父親所教導。
傳真︰2623-9278
電郵︰[email protected]