和黃董事總經理霍建寧年初不斷增持和黃股份，但和黃股價表現低迷，霍建寧不但冇肉痛，反而對於能做和黃0.1%股權嘅股東好自豪，話「第日退休都靠晒佢」。問到要增持幾多和黃股份先夠佢退休時，佢話：「唔好講啦，俾李生知道就唔好。」至於有冇人工加？佢答：「你哋話我值唔值得加人工吖？」
早前宣布和電大裁員，霍嬉皮笑臉，佢噚日話報道唔公道。佢解釋當時答緊公司係咪有減薪嘅問題，由於冇減所以先會笑喎，「我點會咁黑心，同事被炒喺度笑？話晒大家共事咁多年。」重話曾經打電話慰問受影響同事喎。
傳真︰2623-9278
電郵︰[email protected]