盛傳會在日本櫻花樹下向阿姐汪明荃求婚的羅家英，昨日上午與阿姐及一班友人出發到日本旅行。問家英哥可有帶備戒指向阿姐求婚時，家英哥揚言會在當地碌卡購買，並自爆說：「都好事近，係唔知幾時啫！」
身患第三期肝癌的羅家英，昨日上午八時許與阿姐汪明荃及十多位好友出發到日本賞櫻花，記者問他帶備甚麼前往旅行時，家英哥笑言帶備藥物、菲林和銀紙，再問家英哥可有帶備戒指向阿姐求婚時，家英哥笑說：「唔使帶，去到碌卡咪得囉。」到日本賞花難道不擔心有花粉症？家英哥表示不擔心，就是連地震也不怕。
有報道指阿姐主動向家英哥求婚多次，阿姐對此大感驚訝：「吓！唔係嘛！佢講㗎咋，唔好信佢。」記者再追問家英哥是否在櫻花樹下向阿姐求婚時，家英哥與阿姐即在人前大耍花槍說：「問佢（阿姐）啦，佢係我代言人。」但阿姐卻說：「問你呀，你答啦！」
雖然家英哥表示怕講多錯多不欲多言，但當記者問他向阿姐求婚時會做些甚麼，家英竟說：「拖吓手囉！其實最緊要旅行成功，玩得開心啲，身體健康，都好事近㗎啦，係唔知幾時啫。」
正在談得興起之際，家英哥忽然又扯到早前舉行的《香港電影金像獎頒獎典禮》上，他說：「我要恭喜元華（最佳男配角），數十年磨一劍，把劍一出就露鋒芒，好戥佢開心。我以為元秋都有獎攞㖭，女主角就唔應該頒畀章子怡啦，人哋都唔想要，夾硬畀人做乜呢！我覺得張栢芝攞啱啲。」
然而，問他有否看過章子怡主演的《2046》時，他卻表示沒有：「我覺得有時靠運氣，好似有個好導演（王家衛）幫佢，不過，章子怡都志不在此啦。」
採訪、攝影：魯萍