陳豪和周汶錡前晚往尖沙嘴演出時裝騷，四年沒有行天橋的陳豪表示今次重踏天橋，酬勞增加不少。陳豪又謂沒有勇氣着泳褲，因為身形未夠fit，要先減曱甴肚。
陳豪和周汶錡前晚往尖沙嘴為年輕時裝品牌Gas行騷，曾效力劉鑾雄旗下華置的凌緣庭前晚則以九倉高層身份在現場打點。陳豪表示相隔四年未有行騷，所以心情十分緊張，自評表現只有六十分。
問陳豪前晚酬勞是否比四年前大幅提升？他笑說：「多咗十倍以下啦。」問他多年未有行騷是否適應後台換衫的春光？他說：「係男女分開換衫嘅，咪個個都一樣，不過我就冇勇氣着泳褲啦，等我操fit啲，減咗個曱甴肚先啦。」
陳豪主唱無綫劇集《心花放》的主題曲，是否意味會出唱片？何時上《勁歌金曲》？他笑說：「未係時候，我都係會專注拍劇，唱歌係多樣技能啫。」假如有片商邀他與廖碧兒情侶檔合作又如何？陳豪說：「只要觀眾鍾意睇就得啦。」
此外，周汶錡前晚示範的服裝不及其他模特兒性感，她說：「啲衫係大會安排嘅，有咁多性感美女唔使我啦。」她透露忙於出書，五月會往西班牙公幹，她說：「希望到時可以曬（太陽）番夠本啦。」至於馬詩慧指現今模特兒變質，周汶錡則說：「我唔清楚，𠵱家啲模特兒轉得太快，有啲我都唔識嘅。」
採訪：RitaLeung
攝影：EdwardChou
