等咗咁耐，終於等到喇，八方講嘅當然唔係愚人節，而係滙豐新任執行董事王冬勝今日正式上班，重會首次代表滙豐去銀行公會開會㖭，接替柯總柯清輝，咁即係話，出年銀行公會主席，又係王冬勝，今次唔使隔三年，一年幾就再輪任咯。
其實前日，港交所已經率先公布，王冬勝接手港交所風險管理委員會成員。講時講，時間真係過得快，王冬勝正式返工，柯總就可以收拾心情，等五月二十五號過檔恒生返工，接替鄭海泉喺恒生副董事長兼行政總裁職務。未來將會有好一段時間，見唔到柯總去開銀行公會，唔知一班行家會唔會特別掛住佢呢？
傳真︰2623-9278
電郵︰[email protected]