麗新國際噚日召開股東特別大會，係林伯仙遊後，首個麗新系集團嘅公開活動。會上有記者問到林伯去世後對集團嘅影響，董事李寶安即刻話公司冇乜變動，喺林建名、林建岳同班董事嘅領導下，公司實際運作正常。
呢幾日佢哋會重選麗新國際、麗豐同鱷魚恤嘅主席人選，或者會由唔同人擔任唔同公司嘅主席，跟以前全部由林伯出任主席唔同。
不過，都係同系公司，重係會互相合作，唔會各自發展。換咗主席後，思維路向跟以前林伯點都會有啲唔同，業務上或者有所重整。
不過，𠵱家林伯將上市王國股權畀晒岳少，呢五間公司將來變成點，大家要拭目以待！
傳真︰2623-9278
電郵︰[email protected]