俾國家衞生部北京醫院評審為五大名醫之一嘅大國手李輔仁教授，噚日嚟咗香港出席理工大學漢方精研所有限公司開幕禮。李教授出身於中醫世家，國內有中醫泰斗嘅稱號，最擅長中西醫結合。今年已經八十六歲嘅佢重好精神，對治療中老年病最有心得，係中央領導人保健專業組唯一中醫成員，專責幫中央重要領導人醫病，其中一個就係前領導人江澤民，中央保健委員會曾多次表揚過佢對黨同埋國家領導人嘅醫療保健工作，前總理李鵬同國家主席胡錦濤都曾接見過佢。
呢位大國手答問題口若懸河，好鬼哲學，但對於診斷領導人嘅情況就守口如瓶，半句都唔肯講，同佢一齊嘅理大校長潘宗光就話，李醫師嘅房擺咗好多領導人嘅感謝語句，平日想離開國土半步都唔得。
傳真︰2623-9278
電郵︰[email protected]