梁詠琪（GiGi）最近應邀擔任某商場的形象總監兼代言人，一展其設計天份。日前GiGi到商場拍攝宣傳照時，趁機四出shopping，狂掃春夏新裝。
梁詠琪畢業自理大設計系，加入娛樂圈後，她對設計的興趣依舊不減，最近德福廣場邀請GiGi擔任形象總監兼代言人，讓她一展所長，對於這個新挑戰，GiGi感到很興奮。
日前GiGi拍攝硬照廣告，以多個清新形象示人，其中一款是型格背心配襯短褲，甚有探險家風範。
拍攝當日氣溫只有攝氏十二度，冷得僅穿背心短褲的GiGi手臂和大腿均起雞皮，每拍兩個鏡頭，就需工作人員送上熱飲和披回外套暖身，結果拍至半夜才能收工，工作人員見GiGi收工時，已冷得面青唇白，故擔心她會捱病。
雖然拍攝過程辛苦，但GiGi說：「我好鍾意shopping，能夠接呢份工作，我覺得係寓工作於娛樂，所以點辛苦都係值得，早兩日我去德福廣場拍嘢時，我都有趁機掃貨，一口氣掃咗十幾間舖頭，買咗唔少春夏新裝換季。」
GiGi續說：「其實我以前都去過德福廣場幾次，但幾乎每次都係出席宣傳活動，根本就冇機會shopping，呢次可以有時間慢慢睇，我梗係唔會放過機會啦！」
