童愛玲近日纖體成功，稍後會復出幕前演出，她表示只要劇情需要的話，不介意在戲中作性感演出，更會先斬後奏過老公這一關。
童愛玲是卓悅纖體的代言人，她近日以最佳狀態拍攝了新一輯廣告相，纖體公司更邀請了時裝設計師何國鉦做形象指導。
童愛玲近日簽了新經理人，並準備復出銀幕拍戲，童愛玲日前在電話中說：「因為我都休息咗一排，好想復出拍嘢，早前同一啲拍戲嘅舊朋友見面，佢哋話我畀佢哋嘅感覺同以前好唔同，佢哋覺得我成熟咗，我好希望可以做一啲角色有機會發揮演技。」
問已是一子之母的童愛玲可介意作性感演出？童愛玲說：「講真我要拍三級片都未必有人睇，我覺得只要劇情需要，作合理嘅性感演出，我完全接受得到，相信老公都唔會反對，因為佢一直都好支持我發展自己嘅事業。」童愛玲亦恃着夫婿經常出埠公幹，留在香港的時間不長，所以樂得拍戲先斬後奏，她說：「我諗到時先算，老公都會接受我啲解釋嘅。」
此外，童愛玲近日鍾情外國電視劇《靚太唔易做》（DeseprateHousewives），她說：「我好欣賞女主角TeriHatcher嘅演技，就算要我扮演風情少婦，我覺得都接受到，最緊要係有得發揮演技。」
採訪：比華利
